Kinezi Pan Zhanle u shpall kampion olimpik në garën e 100 metrave stil i lirë që kosiderohet edhe kryesorja në disiplinën e notit.
Djaloshi, i cili do të mbushë 20 vjeç të dielën, përveç medaljes së artë të fituar vendosi edhe rekordin e ri botëror, 46 sekonda e 4 të dhjetat.
Në fakt ky ishte një përmirësim i kohës për Pan, pasi disa muaj më parë e mbylli garën në kampionatin botëror pas 46 sekondash e 8 të dhjetat. Ky është njëkohësisht edhe rekord i ri olimpik.
Pak ditë më pare, Pan Zhanle së bashku me ekipin kinez vendosi rekordin e ri olimpik në stafetën 4×100 metra stil i lirë gjatë garave kualifikuese. Pan dha edhe kohën më të mirë mes shokëve të skuadrës.
/a.r
