Pas përfundimit të arsimit 9-vjeçar dhe me diploma në duar, nxënësit tashmë i drejtohen dyerëve të gjimnazeve. Kanë kaluar muaj të vështirë pandemik nga mësimi online por sërish i gëzohen rezultateve të arritura.
Përpara i pret një tjetër rrugëtim i rëndësishëm në përcaktimin e profesioneve që do të zgjedhin të bëjnë gjatë jetës së tyre.
Më të shqetësuar duken prindërit e tyre, të cilët kërkojnë gjithmonë më të mirën e mundshme në rezultatet përfundimtare. Aplikimet kanë nisur dhe mënyra e regjistrimit do të bëhet nëpërmjet portalit E-Albania.
Për çdo paqartësi, gjimnazet kanë krijuar akses për t’u ofruar ndihmë nxënësve. Përcaktimi i gjimnazeve bëhet në bazë të vendbanimit si dhe shkollës 9-vjeçare që nxënësit kanë ndjekur.
Në total janë rreth 32 mijë nxënës që do të hyjnë për herë të parë në bankat e gjimnazeve
Mënyra e regjistrimit:
- Përzgjedh shkollën 9 vjeçare që ke frekuentuar
- Sistemi shfaq gjimnazin që i takon shkollës ku ke kryer arsimi bazë
- Bashkëlidh dëftesën e lirimit
- Kliko ‘Dërgo’
/b.h
