Nëse Koreja e Veriut vendos të përdorë armë bërthamore, ky do të ishte një akt vetëvrasjeje. Kështu është shprehur ministri i Mbrojtjes i Koresë së Jugut, Song Young-moo, gjatë një forumi për sigurinë që u mbajt në Singapor.
“Regjimi i Koresë së Veriut mund të zhduket nga harta nëse vë në përdorim armët bërthamore kundër Koresë së Jugut ose Shteteve të Bashkuara të Amerikës”, tha ai.
Ai e hodhi poshtë hipotezën se kërcënimet e Koresë së Veriut për sulme bërthamore janë thjesht propagandë dhe jo diçka që mund të ndodhë vërtet.
“Ka një ide anakronike se Koreja e Veriut do t’i përdorë armët bërthamore për bashkim”, tha ai, duke vlerësuar përpjekjet e qeverisë së Koresë së Jugut për dialog.
“Mund të jetë një rrugë e vështirë që kërkon kohë. Por unë mendoj se mund t’ia dalim vetëm me durim”, tha ai
a.ç
