Një studente e pësoi keq kur refuzoi të paguajë më shumë para në hotelin ku kaloi pushimet.
Bëhet fjalë për Laura Denmar 26 vjeçe, që u rrah barbarisht nga pronari i hotelit.
Sipas Daily Mail, ajo dhe i dashuri i saj Jeremy, 39 vjeç, rezervuan një hotel me një çmim prej 60 paund nata përmes një faqeje në internet.
E reja tha se pronari i hotelit ku ata qëndruan iu paraqiti një tjetër çmim nga ai që kishin rënë dakord në fillim.
“U thashë se ishte e paarsyeshme dhe nuk pranova të jepja më shumë para, kështu që na u tha që do të thërrisnin policinë nëse nuk largoheshim menjëherë.
Ne vendosëm të largoheshim, por pastruesja mbylli derën duke na lënë brenda derisa një burrë mbërriti”, rrëfen vajza.
Ajo po ashtu tha se “burri mbërtheu të dashurin tim pas murit, ndërkohë që filluan të më godisnin mua me një shufër hekuri. Ishte e tmerrshme.
Ne jemi mirë tani që jemi kthyer në Britaninë e Madhe por ishte një përvojë e tmerrshme. Jemi me fat që dolëm gjallë nga aty dhe dëshirojmë të paralajmërojmë të tjerët të kenë kujdes para se të rezervojnë qëndrimin e tyre nëpërmjet internetit”. /b.d
