Një gjykatë në Londër refuzoi kërkesën e autoriteteve shqiptare për ekstradimin e biznesmenit italian Francescho Bechetti, i aililz akuzohet për pastrim parash. Pas vendimit erdhi edhe reagimi i pronarot të televizionit të mbyllur tashmë Agon Channel, i cili tha se procesi ndaj tij është i motivuar politikisht.
“Gjyqtarja në Gjykatën e Magjistraturës të Westminister, Zj. Tempia, sot vendosi se procedurat e ekstradimit të Shqipërisë kundër Francesco Becchetti-t dhe Mauro De Renzi-t kanë qënë një abuzim i mirfilltë i procesit gjyqësor dhe duhet të ndërpriten.
Ndjehem mirë me vendimin e sotëm dhe gjithashtu mirnjohës me gjyqtaren angleze, që e shqyrtoi me kujdesin e duhur profesonal këtë çështje.
Gjykatësja në fjalë, ka konstatuar, se Shqipëria ka dizinformuar për të manipuluar Gjykatën angleze duke abuzuar kështu me procesin e ekstradimit.
Vendimi i gjyqtares dëshmon qartë, siç kam thënë gjithmonë, se proceset penale kundër meje në Shqipëri kanë qënë të motivuara politikisht.
Unë do të vazhdoj të ndjek procedurat përkatëse ndaj Qeverinë shqiptare, për dëmin e madh që i ka shkaktuar jo vetëm biznesit tim por dhe qindra njerëzve dhe familjeve të tyre që kanë punuar për mua”, deklaroi Becchetti./a.m.
