Pas deklaratave të forta të ambasadorëve Donald Lu dhe Romana Vlahutin në komisionin e reformës në drejtësi, ka reaguar Kryeministri, duke thënë se PS është gati ta votojë që sot reformën në drejtësi. Rama shtoi se është plotësisht dakort me ambasadorin Lu dhe duke ju referuar opozitës theksoi se koha e ballove me maska ka mbaruar.
“Asnjehere me dakord se sot me ambasadoret e SHBA-BE! Koha e ballos me maska po mbaron…. PS gati te votoje qe sot Reformen ne Drejtesi”- shkruan Rama në rrjetin social.
Në mbledhjen e komisionit të reformës ambasadori Lu tha se paketa e drejtësisë do duhet të votohet, përndryshe e gjithë kasta politike do të turpërohet, përpara qytetarëve shqiptarë, por edhe përpara Shteteve të Bashkuara. Lu shtoi se mëshiron ato parti politike apo liderë të cilët duan të bllokojnë reformën në drejtësi.
javanews/ a.k
