Ambasadorët e Bashkimit Evropian dhe Shteteve të Bashkuara të Amerikës vijojnë të jenë mjaft aktiv në ndërmjetësimin midis palëve politike për finalizimin e reformës në drejtësi.
Ambasadorja e BE Romana Vlahutin, zhvilloi sot një takim në zyrën e kryetarit të Kuvendit Ilir Meta. Sipas burimeve fokusi i takimit është pikërisht çuarja përpara e reformës në drejtësi.
Vlahutin ishte edhe ditën e djeshme në një takim me kryeparlamentarin Meta. Ndërkohë, sot pasdite pritet edhe mbledhja e radhës e Komisionit të Posaçëm për Reformën në Drejtësi, ku do të diskutohet drafti final i ekspertëve me ndryshimet kushtetuese.
Në këtë draft janë reflektuar edhe rekomandimet e fundit që erdhën nga Komisioni i Venecias. Ndërkohë Javanews ka mësuar se sot në mbledhje pritet të jetë e pranishme edhe opozita./a.m.
