Lëvizja Socialiste për Integrim shprehu bindjen se reforma në drejtësi do të miratohet të hënën.
Kështu deklaroi kreu i grupit parlamentar të kësaj force politike në përfundim të mbledhjes së radhës të Komisionit të Posaçëm Parlamentar për Reformën në Drejtësi.
“Reforma nuk do të dështojë. Të hënën do të votojmë në parim reformën në drejtësi dhe më pas do të ecim me shpejtësi në miratimin nen për nen”, tha Vasili.
Sipas LSI-së, nuk ka më kohë për të humbur dhe drafti duhet të kalojë sa më parë.
Para Vasilit, në daljen për mediat, përfaqësuesi i demokratëve, Eduard Halimi u shpreh se PD sapo ka marrë draftin e fundit për t’u njohur me të. (javanews.al / a.r)
