Partia Demokratike prezanton ditën e sotme platformën e saj me rreth 300 rekomandime për Reformën në Drejtësi. Një prej pikave që pritet të ngjallë më shumë debat është ajo për Presidentin e Republikës.
Grupi i ekspertëve të selisë blu, ndajnë qëndrime të kundërta me strategjinë e reformës së hartuar nga përfaqësuesit e maxhorancës. Ekspertët e e PD janë shprehur kundër sugjerimit të bërë nga maxhoranca për ndryshimin e vëllimit të kompetencave të Presidentit dhe mënyrën e zgjedhjes së tij. Në platformën me rekomandime të opozitës theksohet se nuk ka asnjë logjikë juridike që mënyra e zgjedhjes së kreut të shtetit të lidhet dhe me vëllimin e kompetencave që ai do të ketë.
Për demokratët, Presidenti ka një rol dhe një vëllim të caktuar kompetencash që e detyron Kushtetuta dhe ligjet t’i ushtrojë, pavarësisht mënyrës së zgjedhjes.
