Një nga çështjet më sensitive të “jetës” politike në vend dhe jo vetëm është pikërisht debati mbi reformën në drejtësi.
Është vënë re disa herë që kryeministri Rama i është drejtuar, nga foltorja e Kuvendit, ish kryeministrit Berisha me pyetjen: “Sali, do ta votojmë reformën në drejtësi apo jo?” Mirëpo kjo pyetje e kryeministrit nuk ka marrë asnjë përgjigje direkte nga Berisha.
Edhe në rrjetet sociale ditët e fundit është komentuar shumë mbi miratimin apo jo të reformës. Kështu, ditën e sotme është ironizuar lidhur me këtë çështje. Në fotot e publikuara më poshtë, të marra nga rrjetet sociale, faji për pengimin e reformës i është adresuar ish kryeministrit Berisha.
Po ashtu ironizohet edhe me ndërkombëtarët, konkretisht me ambasadorin e SHBA-ve, Donald Lu, i cili megjithëse shumë energjik në fillim, duket se kohët e fundit ka rënë në qetësi.
Megjithëse ironik sërish mesazhi që përcillet është se populli e dëshiron kryerjen e reformës në drejtësi. (Lexo.al)
