Këshilli për Rregulloren, Mandatet dhe Imunitetin do të mblidhet pasditen e së merkurës, ora 18:00.
Mbledhja do të bëhet për të interpretuar rregulloren parlamentare, nëse ndryshimet kushtetuese do të diskutohen në Këshillin e Legjislacionit dhe në komisionin e ligjeve apo do te quhen të ezauruara nga komisioni i posaçëm i reformës në drejtësi.
Këshilli për Legjislacionin përbëhet nga 10 deputetë, perfaqesues nga shumica dhe opozita parlamentare.
Kjo strukture e Kuvendit shpreh mendim për projektligjet, me kërkesë te komisionit përgjegjës ose të Kryetarit të Kuvendit, lidhur me cilësinë e hartimit të një drafti, për çështjet kushtetuese ose ligjore që ngrihen në tekstin e tij, si dhe për çështje të tjera, që konsiderohen të nevojshme. (java / r.a)
