Parlamenti ka futur në kalendarin e saj 3 javor draftin e reformës në drejtësi, duke i lënë një hapësirë ardhjes së saj për votim nga data 13 qershor deri më 1 korrik.
Nga ana e saj PD thotë se drafti i reformës është futur pa dijeninë e tyre në kalendarin 3 javor të punimeve. Sipas PD, paketa e ndryshimeve kushtetuese nuk ishte pjesë e kalendarit të punimeve që i është ofruar atyre në Konferencën e Kryetarëve. Në një lidhje telefonike për News 24, Edi Paloka tha se kjo çështje do të ndiqet penalisht, pasi është një skandal.
“Do të kërkojmë që ky rast të ndiqet penalisht sepse është një skandal i paprecedentë. Në mënyrë klandestine, tipike mafioze kryehen akte të tilla. Para se të vihet në konferencën e kryetarëve, punonjësit na sjellin kalendarin. Ky draft na është dërguar dy herë, dhe në asnjë rast nuk e përmban të ashtuquajturën reformë në drejtësi. Nuk na ka njoftuar njeri sot, unë jam informuar nga gazetarët.”- tha Paloka.
………
Nga ana tjetër në seancën e së enjtes, maxhoranca ka rrëzuar dekretin e Presidentit Nishani, i cili kishte kthyer për shqyrtim ligjin për Marëveshjet Ndërkombëtare. Të pranishëm në seancë ishin 75 deputetë dhe dekreti u rrëzuar me 73 vota kundër.
Ndërkaq, u zgjat me një muaj puna e komisionit të posaçëm për reformën zgjedhore. Deputetët votuan ligjin për ndërmarrjet për shërbimet sociale, i cili mori 75 vota./ java. a.k
