Ambasadorja e SHBA në Shqipëri, Yuri Kim, ka shkaur sot në SPAK ku do zhvilloj një takim me kreun e këtij institucioni, Arben Krajën.
Takimi i ambasadores së re me Arben Krajën është një takim informues dhe formal, pasi ditët e fundit Kim ka zhvilluar biseda dhe me aktorë të tjerë të politikës dhe drejtësisë në vend.
Reforma në drejtësi dhe lufta ndaj krimit të organizuar dhe korrupsionit ishin ndër prioritetet e misionit të saj në Shqipëri.
Ditën e djeshme ambasadorja e SHBA takoi kryeprokurorin Olsian Çela. Këto takime të shefes së diplomacisë amerikane vijnë pas takimeve me presidentin Ilir Meta, ambasadorin e BE-së në Shqipëri, Luigi Soreca, me Ministrin në Detyrë të Punëve Europiane dhe të Jashtme Gent Cakaj, dhe me atë të Mbrojtjes Olta Xhaçka dhe Ministren e Drejtësisë Etilda Gjonaj.
g.kosovari
