Ka nisur mbledhja e komisionit të reformës në drejtësi ku janë të pranishëm edhe ambasadori amerikan Donald Lu dhe ajo e BE-së Romana Vlahutin të cilët kanë dhënë deklarata të forta dhe i kanë bërë apel palëve të gjejnë konsensusin.
“Ju kërkoj të gjithëve në fund të ditës të votoni pro reformës në drejtësi… Vitin e kaluar kam parë zonjën Merkel, Mogherini, Hahn, Kerry dhe zotin Obama ti kërkojnë Shqipërisë ta miratojë këtë reformë, nuk kam parë kurrë një mbështetje të tillë nga aleatët tuaj për asnjë temë tjetër, të gjithë e pranojmë se sa e rëndëishme është kjo për të ardhem e Shqipërisë. Të gjithë, të pasur dhe të varfër, të rinj dhe të moshuar, burra e gera e kërkojnë këtë reformë, 91% e shqiptarëve e mbështesin këtë reformë, mendojeni pak shqiptarët s’bien dakort për shumë gjëra, por megjithatë 91% bien dakort se vendi ka nevojë për këtë reformë.
E mëshiroj partinë e verbër politike apo udhëheqësin e shurdhët politik që mendojnë të bllokojnë këtë reformë.
Do dështoni nëse kërkoni ta bllokoni këtë reformë. Do përballeni me zemërimin e publikut shqiptar në zgjedhjet e ardhshme nëse mendoni se do mbroni gjykatësit dhe prokurorët e korruptuar. I kërkoj komisionit sot të mbështesë një kalendar të vërtetë për miratimin e kësaj reforme. Në këtë komision deri në fund të majit dhe në Parlament deri në fund të qershorit. Ndaloni lojërat politike dhe filloni ta përfundoni këtë reformë, e keni për detyre. ”, tha ambasadori Donald Lu.
Ndërkohë, ambasadorja Vlahutin tha se vendi humbet një mundësi të madhe nëse nuk voton reformën.
“Në rast se humbasim këtë mundësi, vendi nuk do të humbasë një vit, por shumë vite. Ne besojmë se Shqipëria nuk mund të humbasë shumë kohë. Ky është një shans unik për Shqipërinë. Ju lutem mos e harxhoni atë”, tha Vlahutin.
