Të dielën Maqedonia i drejtohet kutive të votimit për të marrë pjesë në referendumin për emrin. Kryeministri maqedonas, Zoran Zaev theksoi se qytetarët të bashkuar do të votojnë për të ardhmen europiane. “Përfundimin e fushatës për Maqedoni evropiane e planifikuam për në Tetovë, sepse Tetova çdoherë ka qenë Evropë në pakicë dhe shembull për multietnicitetin e Maqedonisë dhe pasurinë në llojllojshmëri”, tha Zaev.
Po ashtu ai pohoi se prej shekujsh Maqedonia ka qenë multietnike dhe së bashku ka qenë e bashkuar.
“Bashkësia është pasuri, ndërsa koncepti i një shoqërie për të gjithë që bashkërisht e ndërtojmë çdo ditë rritet, sepse dëshira jonë e përbashkët është që ta ndalojmë largimin e të rinjve jashtë vendit dhe t’i kthejmë ata që janë larguar. Ali Ahmeti flet në gjuhën maqedonase, maqedonas në Veles fshijnë grafite ofenduese për shqiptarët që e konfirmon konceptin një shoqëri për të gjithë”, tha Zaev.
Teksda e cilësoi referendumin një vendim historik, Zaev shtoi: “Edhe qilimi i ku në të gjithë kryeqytetet evropiane nuk u shtrua për Zoran Zaevin nga fshati Murtino, por për Maqedoninë dhe konceptin për shoqëri, ndërsa përfitimet nga NATO dhe BE-ja do të jenë të mëdha dhe do të thotë paqe, stabilitet, siguri, ekonomi më të mirë, infrastrukturë dhe do të na ndihmojnë të bëhemi pjesë e botës së zhvilluar”.
ma.me
