Kopjet e librit të aktorit shqiptar me famë botërore, Bekim Fehmiu, janë bllokuar. “Shkëlqim dhe tmerr” tash dy ditë është ndalur në depot e mallrave që nuk lejohen të futen në Kosovë, në pikën doganore në Mitrovicë.
1.300 kopjet e librit, ku në gjuhën shqipe autori Fehmiu rrëfehet në vetën e parë, janë ndalur nga Dogana e Kosovës në emër të masës së reciprocitetit për librat nga Serbia, shkruan “Koha Ditore”.
Por tek pas interesimit të gazetës, autoritetet kanë thënë se libri që është promovuar të premten e javës së kaluar në Prishtinë nuk do të qëndrojë gjatë në depot e Doganës. Ministri i Arsimit, Shkencës dhe Teknologjisë ka thënë se ato do të lejohen të futen në Kosovë…
