Rebelët sirianë do të pranojnë një armëpushim të përkohshëm, për sa kohë do të ketë garanci ndërkombëtare që qeveritë aleate të Rusisë dhe Iranit dot t’i përmbahen, deklaroi sot shefi i komitetit negociues të opozitës.
“Komiteti i Lartë Negociues (HNC) do të mblidhet të hënën për të diskutuar armëpushimin e prezantuar pasi përfaqësuesit e rebelëve dhanë aprovimin e tyre”, sipas një komunikate të shefit të HNC-së, Riad Hijab.
“Qeveria e presidentit sirian Bashar al Asad nuk ishte e aftë të firmoste armëpushimin, pasi varej nga bombardimet ruse dhe forcat pro-iraniane në terren”, thuhet në këtë komunikatë.
Fuqitë botërore kishin propozuar që armëpushimi të hynte në fuqi të premten, por atë ditë pati përplasje të vazhdueshme, bombardime artilerie dhe sulme ajrore.
