Reali ka nisur vitin në La Ligë me një barazim 2 me 2 si mik në fushën e Celta Vigos.
Daniel Wass kaloi Celtan në epërsi në minutën e 33-të, ndërsa për pesë minuta Reali u kthye në lojë me Gareth Balen që shënoi dy gola, në minutat 36 dhe 38. Në pjesën e dytë Maximiliano Gomez Gonzales shënoi për 2 me 2 dhe rezultatin përfundimtar.
Në tabelën e La Ligas, Reali pas 18 javësh mbetet në pozitën e katërt me 32 pikë. Edhe pse ka një ndeshje më pak të luajtur, Reali është 16 pikë më pak se lideri, rivali i përbetuar Barcelona, që prin me 48 pikë.
Në pozitën e dytë është Atletico me 39 pikë, ndërsa në të tretën Valencia me 37. (b.an)
