Paraqitjet mbresëlënëse sezonin e kaluar dhe në fillim të këtij edicioni, kanë shtyrë Real Madridin që t’i ofrojë kontratë të re talentit spanjoll, Marco Asensio, raporton Marca.
Marca raporton se do të ketë ndryshime të mëdha në kontratën e re të Asensios. 21 vjeçari do të ketë klauzolë largimi prej 500 milionë eurosh.
Asensio do të përfitojë edhe ekonomikisht me rinovimin e kontratës. Nga 3.5 milionë, ai do të ketë rritje page në 4.5 milion euro në sezon pa tatim.
Raportohet se ai do të nënshkruajë kontratë deri në qershor të vitit 2023. /a.m.
