Kryetarja e LSI-së, Monika Kryemadhi e ftuar në emisionin ‘Real Story’ të Sokol Ballës në News 24, ka folur mbi zgjedhjet e 30 qershorit dhe për dekretin e Presidentit të Republikës për 13 tetorin.
Kryemadhi tha se dekreti i presidentit megjithëse u komentua nga gazetarët si frymëmarrje për opozitën, ai i dha frymëmarrje kryeministrit të vendit, Edi Rama.
Nëse zgjedhjet do mbaheshin më 13 tetor u shpreh kryetarja e Lëvizjes Socialiste për Integrim do t’i jepte mundësinë kryeministrit Edi Rama që të zhvillonte zgjedhje të lira dhe të ndershme të cilat morën një raport kritik nga OSBE-ODHIR. Sipas Kryemadhit zgjedhjet janë i vetmi instrument që i jep fund situatës politike edhe ngërçit që po përjeton.
“E vetmja mënyrë për më mbyllur këtë debat shterpë njëherë e mirë janë zgjedhjet, sepse njerëzit do të kenë mundësi për t’u shprehur. Ne duhet të mendojmë tani se si do të zgjidhim situatën politike, po vazhduam kështu, Shqipëria rrezikon të përfundojë në kolaps politik. Këtu nuk paguan qeveria, por janë shqiptarët që do të paguajnë. Në këto votime të 30 qershorit, Ramën nuk e dëmtoi mospjesëmarrja e opozitës, por raporti i OSBE/ODIHR. Edh ene duhet të dalim nga ky rreth vicioz që merremi me të, ne duhet të fokusohemi tek plani ekonomik. Ajo që më shqetëson është paketa anti-krizë që është duke u përgatitur që duhet të jetë një paketë ant-ikrizë kombëtare. Opozita në ftesën e konferencës që u organizua nga Kuvendi dhe OSBE, paraqiti pesë pikat e saj shumë të qarta. E para, kjo përpjekje njëherë erdhi nga opozita dhe jo nga mazhoranca. Ajo që ne kemi propozuar është shumë e qartë, ndërsa pala tjetër ka qenë refraktare”-tha Kryemadhi.
