Kjo verë pritet të jetë shumë e nxehtë për Florentino Perez dhe Zinedine Zidane, gjithnjë nëse ky i fundit do të vazhdojë të qëndrojë në stolin e Real Madrid. Dëshira për të thyer hegjemoninë e Barcelonës ka bërë që drejtuesit e Real të përgatisin një “revolucion” gjatë merkatos së ardhshme. Plot 12-të lojtarë janë të përfshirë në listën e dëshirave, emra të mëdhenj, që pritet të ndryshojnë rrënjësisht imazhin e “galaktikëvë”.
Sipas të përditshmes spanjolle Marca, ky revolucion nis nga porta. Real pritet të trokas sërish në dyert e Man.United me një tjetër ofertë për David De Gea. Portieri spanjoll i shpëtojë nga duart vetëm në sekondat e fundit të meraktos.
Pepe dhe Ramos janë të paprekshëm por për të plotësuar mbrojtjen nevojitet një mbrojtës qendre dhe një anësorë i majtë. Për rolin e parë, alternativat janë Marquinhos(PSG), Laporte(Bilbao) dhe Stones(Everton), ndërsa për atë të anësorit të majtë opsionet janë Ricardo Rodriguez(Wolfbsburg) dhe David Alaba(Bayern Munchen).
Në mesfushe përveç Modric dhe Kross, dy janë emrat më të pëlqyer për Perez, Paul Pogba për të cilin duhen plot 80 milionë euro dhe Eden Hazard i Chelsea-it. Alternative mbetet edhe talenti i Schalke 04, Sane.
Në fund ka edhe pak vend për fantazi, më saktë për një sulm fantastik. Neymar-Lewandowski-Aubameyang, janë tre fantastikët që Perez dëshiron. Nëse për sulmuesin nga Gaboni mjafton një shumë e mirë për dy sulmuesit e tjerë atë brazilian dhe polak negociatat priten të jenë shumë të vështira. Mundësia e vetme që këto lojtarë të veshin fanellën e Real Madrid mbetet shitja e Ronaldos tek PSG dhe Benzema të ndjek Ancelottin tek Bayern Munchen.
