James Rodriguez nuk do të largohet nga Real Madrid, gjatë afatit kalimtar të verës. “Los Blancos” kanë vendosur që ta mbajnë reprezentuesin kolumbian, përkundër spekulimeve të javëve të fundit se ai dëshiron të largohet dhe ka filluar kontaktet e para me klubet e interesuara për shërbimet e tij.
E përditshmja sportive madrilene “AS” ka bërë të ditur se trajneri Zinedine Zidane ka njoftuar menaxherin e futbollistit, Jorge Mendes, se klienti i tij është i nevojshëm në Santiago Bernabeu për edicionin e ardhshëm.
James ka luajtur shumë më pak pas ardhjes së Zidane në postin e trajnerit në vend të shkarkuarit Rafael Benitez, referon Express.
Por, klubi nuk dëshiron ta shesë gjatë sezonitt kalimtar të verës dhe ish mesfushori ofensiv i Monacos do të ketë një rast të ri për të treguar vlerat e tij në Real Madrid. (b.an)