Pas akuzave të Partisë Demokratike se kryeministri Edi Rama do të vizitojë Turqinë për disa marrëveshje sekrete, i menjëhershëm ka qenë reagimi i Ambasadës Turke në Tiranë.
Sipas diplomatëve turq në Tiranë, Partia Demokratike nuk ka arsye pse të ketë pretendime të tilla të pabaza.
“Vizita e kryeministrit Rama është jozyrtare dhe për këtë është në dijeni MPJ e Turqisë. Ne kemi qenë në dijeni prej kohësh mbi këtë vizitë. Edi Rama është ftuar nga shoqëria civile për të marrë pjesë në “Tryezën e Ideve”” – thuhet në reagimin e Ambasadës Turke ndaj deklaratës së sotme të Kreshnik Çollakut.
Ndaj akuzave të këtj të fundit, PS ka reaguar më herët duke theksuar se koha e sekserëve ka marrë fund që në vitin 2013.
