Qeveria ka reagua në ldhje me raportin e Bankës Botërore të “Doing Business” dhe akuzave të Partisë Demokratike se për shkak të keqqeverisjes, klina biznesit ka pësuar rënie dramatike.
“Në fund, ndryshe nga ç’ka deputeti Florion Mima pretendon, renditja e Shqipërisë në vendin e 97-të në raportin “Doing Business” për vitin 2016 nuk është rezultati më i keq, pasi në vitin 2006 renditej e 117-a në botë, në vitin 2007 renditej në vendin e 120-të dhe në vitin 2008 në vendin e 136-të.”- shkruhet në reagimin e qeverisë.
Në portalin Transparenca. al, qeveria ka sqaruar se dy janë faktorët që kanë ndikuar në vlerësimin në rënie të shqipërisë.
Së pari, fakti i lejeve të ndërtimit, marrja e certifikatës së pronësisë si dhe pagesa e taksave, indikatorë këto të përmendur dhe nga Ministri Ekonomisë Ahmetaj, si dhe së dyti, nga fakti se metodologjia e vlerësimit për vitin 2016 është ndryshuar.
Sipas qeverisë, Shqipëria nuk ka humbur vende në raport me vetveten. Në portal sqarohet se pavarësisht vendimit të qeverisë për të bllokuar dhënien e lejeve të reja të ndërtimit në vend, përsëri në Shqipëri, dy kompani serioze nga Kina dhe Italia u bënë pjesë e procesit konkurues për ndërtimin e zonës industriale të Spitallës.