Policia e Shtetit ka reaguar në lidhje me një lajm të bërë publik në media ditën e djeshme, sipas të cilit një autobus me targa shqiptare është ndaluar në Holandë pasi në të u zbuluan 670 kilogram kanabis.
Përmes një reagimi zyrtar, Policia e Shtetit e cilëson këtë të pavërtetë këtë lajm.
Sipas të dhënave të policisë shqiptare, rezulton se automjeti i ndaluar është i tipit Mercedes Benz me targa Ë-162-Z dhe drejtohej nga një shtetas shqiptar me inicialet G.K., 35 vjeç nga Lezha.
Ndalimi i shtetasit G.K. është bërë në datën 23 shkurt 2017 në Amsterdam në autostradën A4 duke u kthyer nga Haga, me mjetin tip ‘Mercedes Benz’.
Gjatë ndalimit policia Holandeze ka zbuluar në bagazhin e automjetit një sasi prej 674 kilogram kërp, origjina e të cilit nuk dihet.
Ndërkohë në bazë të hyrje daljeve të sistemit TIMS nga viti 2008 ky shtetas dhe mjeti Mercedes Benz, me targa Ë-162-Z, nuk rezulton të ketë hyrë dhe të ketë dalë nga territori i Republikës së Shqipërisë.
Policia e Shtetit siguron të gjithë opinion publik se mbetet e vendosur për të luftuar krimin dhe paligjshmërinë. /b.d
