Kryetari i Bashkisë së Kavajës Elvir Rroshi ka reaguar pas arrestimit të tij me urdhër të prokurorisë.
Rroshi e cilëson urdhër-arrestin në ngarkim të tij një vendim kriminal për sa kohë sipas tij nuk ëhstë vërtetuar se ai ka bërë deklarim të rremë, duke fshehur dënimet nga vendet e huaja në kuadër të “Dekriminalizimit”.
Këtë reagim Rroshi e ka bërë në facebook ku shkruan:
E mirepres ballafaqimin me drejtesine e Sali Berishes dhe do te provoj gjithe pafajesine time per kete poshtersi. Kam angazhuar avokate te njohur italiane qe jane skandalizuar me gjithe kete sulm ordineresh ndaj meje. Ata me kane siguruar se kjo eshte dicka e pabesueshme dhe betejen sado e gjate te jete do ta fitojme.
Prokuroria nuk ka provuar asgje pervec atyre qe kam deklaruar vete. Me akuzojne per nje fakt qe e kam ekspozuar vete publikisht dhe qe per drejtesine italiane eshte nul.
Me akuzojne per debime ku jam debuar si mijera emigrante te tjere ne tufe po ku nuk kam bere asnje gjyq dhe s’kam marre asnje denim.
Le te me akuzojne per cfare te duan tjeter. Ky arrestim eshte kriminal sepse nuk mund te arrestosh njeriun per deklarim te rreme pa e provuar qe ka qene i tille. S’ka problem une jam mesuar me padrejtesira dhe kam lindur per t’i mbijetuar cdo padrejtesie.
E sigurte eshte qe Kavajen Sali Berisha nuk ka per ta marre me edhe sikur shtate pashe nen dhe te me fusin mashat e tij.
Ketu do jemi!
/a.m.
