“Reagon” Kallashi: Më arrestuan por do t’i likujdoj
Arrestimi i Kallashit (Donjeta Kosumi), ka shkaktuar reagime të shumta humori në rrjetet sociale.
Gazetari Arben Ahmeti, në profilin e tij në Facebook ka shkruar: “Milaim Zeka a mundesh me na tregu si erdhi deri tek arrestimi i Kallashit? Ajo nuk ishte ne liste”?!
Ndërsa, portali Pampress shkruan se reagimi kryesor me këtë arrestim vjen nga Shkëndije Mujaj.
“’Fuck Police. Lirone shoqen teme. Na nuk e dridhim pa njana tjetren’, ka shkruar Shkëndije Muaj në profilin e saj në Facebook”, sipas Pampressit.
Në anën tjetër, portali KukuNews “citon” deklaratën e parë të Kallashit pas arrestimit: “Arrestimi im është bërë me prapravijë politike. Shumë politikanë dëshirojnë të më likuidojnë sepse e kanë ndjerë erën se unë do t’i likudioj ata… Pse Policia nuk po ia merr armën Liburn Aliut po vjen m’gjuhet mu”.
Tash KukuNews pret që së shpejti me deklaratë të dalë edhe “Shoqata e Veteranëve ‘Kobra City’”.
