Kreu i PDIU-së Shpëtim Idrizi ka përshëndetur procesin e votimit ku ka shprehur mirnjohje për qytetarët që e bënë të mundur këtë gjë.
Idrizi ka deklaruar se sipas të dhënave që disponon, forca politike që ai përfaqëson ka mundur të marrë rezultate përtej pritshmërive.
Ai garanton se PDIU do të ketë një grup të konsoliduar në parlament.
REAGIMI I PLOTE I IDRIZIT
Të dashur miq, të nderuar qytetarë!
Procesi i votimit, përfundoi qetësisht megjithë shtyrjet e njëpasnjëshme të datave, orareve e ndryshimeve antiligjore të rregullave të lojës. Falenderoj nga zemra gjithë mbështetësit, strukturat, simpatizantët e PDIU dhe gjithë ata që na vlersuan me votën e tyre si shenjë mbështetje ndaj një politike me fytyrë qytetare e larg konfliktualitetit.
I ftoj të gjithë përfaqësuesit tanë në të gjitha grupet e numërimit të jenë në krye të detyrës e të ruajnë çdo votë të qytetarve shqiptarë. Do jemi së bashku për të ndjekur numërimin e çdo vote dhe leximin e vullnetit të zgjedhësve.
Nga gjithë të dhënat tona ne jemi fitues përtej gjithë pritshmërive dhe do jemi me një grup parlamentar të konsoliduar në parlamentin e ardhshëm. Asgjë më e rëndësishme tani se sa numërimi i çdo vote.
