Kryetari i Bashkisë së Durrësit, Vangjush Dako, reagon pas kërkesës së kryetarit të PD-së Lulzim Basha për shkarkimin e tij. Sipas Dakos, Basha duhet të dijë që kjo procedurë është e zakonshme.
“Është baltosje e emrit nga Blushi dhe Basha. Basha duhet të dijë që kjo procedurë është e zakonshme. Përsa i përket punësimit të të burgosurve kemi një marrëveshje me Shërbimin e Provës. Blushi me ka uruar në tre fitoret e mandatit tim duke deklaruar se na ke nderuar tani thotë se Dakon e ka punësuar Lul Berisha. Janë 36 persona që kanë përfituar referencë nga bashkia. Ambasada e SHBA dhe BE nuk do të ndikohen nga këto deklarata për t’u distancuar nga ne” ka deklaruar Dako.
Ndërkohë që PD ka dërguar në Kryeministri kërkesën e firmosur nga deputetët dhe këshilltarët demokratë në Durrës për shkarkimin e Dakos duke e akuzuar se liroi Lul Berishën.
ma.me
