Lidhur me djegien e makinës së kreut të Bashkisë së Lezhës Fran Frrokaj, ka reaguar edhe Baskia e këtij qyteti.
Përmes një njoftimi për mediat, Bashkia Lezhë sqaron se makina në fjalë ishte marrë me qira, pasi nuk kishin në pronësi makina për lëvizjen e administratës dhe kryetarit.
“Automjeti i djegur Autoveturë, tip Mercedez Benz me targa AA 400 JK, prodhim i vitit 2002, ishte marrë nga bashkia me ‘’Kontratë Huapërdorje’’ për shkak se nuk kishte në pronësi makinë për lëvizjen e kryetarit apo administratës. Bashkia Lezhë po pret përfundimin e hetimeve për të zbardhur shkaqet e djegies ndërsa i bën thirrje organeve kompetente për të hedhur dritë mbi këtë rast, nëse ishte zjarrvënie e qëllimshme apo defekt në automjet,” shkruhet në njoftimin e Bashkisë së Lezhës. /b.d
