Shkëlzen Berisha ka reaguar sërish ne nje replike me nje portal për gjyqin e humbur në SHBA, të cilin tani po përpiqet ta shesë si një fitore.
Por, nuk është çështja këtu.
Shkëlzen Berisha ndër të tjera, përmend edhe bisedat e famshme telefonike (duke mos përmendur emrin e Delijorgjit), të bëra para dhe pas shpërthimit të Gërdecit.
Ai thotë se këto telefonata nuk janë prova për përfshirjen e tij në krimin e Gërdecit, pasi nuk është zbardhur përmbajtja e tyre.
“1- Ju thoni se nje nga aresyet perse gjykata nuk lejoi qe z.Laëson te dilte para jurise ishte se akuzat qe pasqyroheshin ne librin e tij ishin hedhur dhe me pare nga media te tjera nderkombetare dhe lokale. Kjo eshte vertet nje nga aresyet, por me pas ju shtoni se pretendimi im se kam dale me I paster nga ky proces perben nje genjeshter.
Keto dy konstatime jane kontradiktore me njeri tjetrin sepse 100% e mediave nderkombetare dhe lokale qe kane shkruar per trafikun e fishekeve dhe AEY I jane referuar drejt per drejt ose indirekt fjaleve dhe trillimeve te Efraim Diverolit per kete ceshtje.
Deklarimi nen betim I z.Diveroli se ai ka genjyer dhe trilluar per interesa personale, takimin tim me te, si dhe per cfaredo lloj implikim timin ne aktivitetin e kompanise se tij, rrezon vertetesine e te gjithe artikujve te larpermendur dhe lukunise se shpifjeve qe kane shoqeruar ato prej 10 vjetesh.
Ky eshte nje lehtesim dhe fitore per mua, gjithashtu nje deshtim per makinerine politike te shpifjes qe I ka perdorur keto akuza si ingredient paresor per llumin e hedhur ndaj meje per plot 10 vjet.
2- Duhet t’ju kujtoj se pergjegjesia ne ceshtjen e Gerdecit, ashtu si ne cdo veper penale, nuk eshte kolektive por individuale, e bazuar ne prova dhe fakte. Telefonatat apo takimet, qe nuk kane pasur lidhje me kete ceshje, nuk perbejne as prove e as akuze per sa kohe nuk zbardhet permbajtja e tyre. Per kete tragjedi ka pasur nje hetim dhe proces gjyqesor shume te gjate me qindra persona te pyetur ne mijera faqe deponime dhe ne asnjeren prej tyre, nuk eshte dhene asnje prove apo deshmi e vetme, qe te lidhe personin tim me ceshtjen ne fjale”, shkruan Shkëlzeni.
Natyrisht që gënjen, pasi provat dhe dëshmitë janë publike, duke filluar nga ish-gjenereali Luan Hoxha, tek vajza e Kosta Trebickës.
Por meqë thotë se telefonatat e tij nuk përbëjnë provë, pasi nuk dihet përmbajtja, këtë kanë kërkuar edhe mediat nga gjykat dhe Prokuroria, që të hetojnë përmbajtjen e telefonatave të tij.
Gjë që deri më tani nuk ka ndodhur.
Ndoshta pas thirrjes së vetë Zenit, ndoshta prokuroria dhe gjykata i hyjnë punës.(TemA)
