Një grua e cila qëndroi 7 muaj në koma ka lindur një vajzë.
Shafiya, një nënë indiane u lëndua rëndë në një aksident me motor kur ishte vetëm 40-ditëshe shtatzënë. Në momentin e rrëzimit, ajo nuk kishte vendosur kokore. Shamia ngeci në rrotën e pasme të mjetit teksa ajo ndodhej e ulur pas partnerit të saj duke shkaktuar përplasjen dhe fraktura të konsiderueshme në Mars të këtij viti.
Prej atëherë, Shafiya i është nënshtruar 5 operacioneve neurologjike, kaloi një farë periudhe e lidhur pas një ventilatori dhe u desh të hiqej një pjesë e kafkës së saj për të lehtësuar presionin e gjakut në tru.
Mjekët u ndodhën përpara vendimit të vështirë për t’i dhënë fund shtatzënisë së saj për shkak të gjendjes së rënduar shëndetësore. Një test ultrazanor tregoi se gjithçka vazhdonte normalisht me shtatzëninë, ndaj ata iu këshilluan familjarëve që të vazhdonin.
Mundësia që Shafiya të zgjohej nga koma ishte vetëm 10-15%, por 23-vjeçarja ia doli që të sillte në jetë një vogëlushe të shëndetshme më 22 Tetor.
“Nuk kam hasur asnjë rast të tillë në karrierën time 22-vjeçare”, tha neurokirurgu i spitalit, Deepak Gupta.
Tanimë nëna e re nuk është më e lidhur pas një makinerie dhe herë pas here lëviz gjymtyrët duke i lënë vend shpresës se një ditë do të mund ta takojë vajzën e saj.
/s.f
