Këtij fëmijë të vogël i rritet truri brenda hundës. Edhe pse kjo është një histori e trishtuar dhe e shembshme nëna e këtij vogëlushi thotë se djali i saj ngjan shumë me Pinokun. Ollie Trezise ka lindur me një problem të rrallë, i cili bën që truri i tij të rritet në hundë përmes një të çare në kafkë. Fëmija 21-muajsh i është nënshtruar disa operacioneve të dhembshme për të mundësuar frymëmarrjen normale. Mamaja e tij, Amy Poole thotë se djali i saj sulmohet cdo ditë nga komente të rënda dhe ofenduese.
Disa i thonë se është i shëmtuar, të tjerë thonë se nuk duhej të lindte kurrë. Ndërsa vetë 22-vjecarja, e cila përvec Ollie ka edhe një vajzë, ka thënë se i thyhet zemra kur dëgjon këto komente.
“Njëherë një grua më tha se nuk duhet ta lindja kurrë atë. Gati sa nuk shpërtheva në lot”. “Për mua, Ollie është perfekt. Ai është Pinoku im dhe jam krenare për të”
Mjekët e kishin paralajmëruar përpara se të lindte se fëmija i saj kishte një problem, por ajo mbeti e shokuar kur Ollie erdhi në jetë.
Ollie i është nënshtruar një operacioni, duke i çarë kafkën për të hequr qeskën e tepërt të lëngjeve të trurit dhe për të rindërtuar hundën. Tashmë mamaja evogëlushit ka nisur një fushatë për të ndërgjegjësuar gratë e tjera për këtë problem, por edhe kundër talljes së fëmijëve me këtë simptomë.
