Data 28-nëntor! Kjo që është një ditë e shënuar për të gjithë shqiptarët pasi është data kur është shpallur Pavarësia e Shqipërisë, ka përgjakur dy herë Shkodrën.
Mir Koçia, i njohur si armik me familjen Hyseni, e cila humbi një anëtar sot, është ekzekutuar më 28 nëntor të vitit 2012. Tetë vite më vonë, hakmarrja godet sërish më 28-nëntor.
Persona ende të paidentifikuar, por që mendohet të jenë nga familja Koçia, i zunë pritë 46-vjeçarit Ridvan Razamani (Hyseni) dhe e ekzekutuan në mënyrë mafioze. Të jetë njërastësi kjo datë? Mesa kemi parë deri më sot, krimi nuk i lë vend rastësisë.
Deri më tani e vetmja gjë që është gjetur në lidhje me vrasjen e Ramazanit është makina e djegur e autorëve.
Kjo që po shikoni në fotot është mjeti ku u ekzekutua 46-vjeçari Ridvan Ramazani në Shkodër. Siç shihet në fotot bisha me ngjyrë të bardhë, e llojit “BMW” është rrethuar nga ekspertët që vijojnë me hetimet.
Grupi hetimor ka vënë ‘piketat’ e verdha për të zbuluar gjurmët e autorëve që ekzekutuan 46-vjeçarin në mënyrë mafioze.
g.kosovari
