Forcat speciale franceze në Siri kanë hedhur në erë një makinë të mbushur me eksplozivë, e cila po shkonte drejt tyre.
Ngjarja ka ndodhur në Raqqa. Në video duket se si makina e modifikuar lëviz me shpejtësi drejt kameras, ndërsa përreth dëgjohet zëri i njerëzve të shqetësuar. Drejt saj lëshohet një predhë nga ushtarët kurdë, por shoferi kamikaz arrin të shpëtojë, çka shkakton panik tek të pranishmit, por vetëm për pak kohë.
Herën e dytë janë francezët që godasin me një predhë Javelin të telekomanduar dhe makina hidhet në erë, pa arritur ende në objektivin e saj, që ishin ushtarët e koalicionit anti-ISIS.
DM/d.i.
