Një ngjarje e rëndë është rregjistruar ditën e sotme në një shkollë fillore në jug të Kinës, ku një 28 vjeçar ka sulmuar me thikë një grup nxënësish, duke shkaktuar 9 të vdekur.
Sipas mediave të huaja, autori i krimit i cili e quante veten Zhao, në gjendje të rënduar psikologjike ka pritur derisa mësimi ka mbaruar dhe ka sulmuar nxënësit në oborrin e shkollës.28 vjeçari mendohet se ishte një person me probleme psikologjike, ndërsa kishte mbajtur për një kohë të gjatë inat me stafin pedagogjik për shkak se këta të fundit nuk kishin pranuar ta diplomonin. Nga ngjarja e rëndë kanë mbetur të plagosur edhe 10 nxënës të tjerë, ndërsa po marrin mjekimin e nevojshëm. Sakaq policia ka bërë të mundur arrestimin e autorit.
