Në raportin e inspektorëve të UEFA-s të publikuar dy ditë më parë, përmendej edhe emri ish-deputetit demokrat Dashnor Sula, që ka qenë presidenti i Shkumbinit të Peqinit. Për dy ndeshjet e muajit dhjetor të 2012 mes Skënderbeut dhe Shkumbinit, ai është përfolur se ka gisht në trukimin e dy ndeshjeve. Por, Sula mohon kategorikisht përfshirjen e tij në trukime si dhe foli për masat parandaluese që duhen marrë.
“Unë mendoj se Prokuroria duhet të hapë tabulatet telefonike dhe të dëgjojë sepse me shumë mundësi ata që janë marrë me trukime të merren sërish. Hajduti, hajdut mbetet, prandaj duhen hetuar sërish”, tha ai.
