Zëvendëskryeministrja, njëherësh Ministre e Infrastrukturës dhe Energjisë, Belinda Balluku prezantoi këtë të martë raportin e OECD për sektorin energjetik.
Në fjalën e saj Balluku u shpreh se Shqipëria do të vijojë në rrugën e nisur për qëndrueshmëri energjitike jo vetëm për vendin por edhe për rajonin, por edhe mbështetjen e konsumatorit me cmime sa më të ulëta.
“Gjatë krizës energjetike botërore, që erdhi për shkak të agresionit rus në Ukrainë, tregjet ndërkombëtare u përballën me çmime të pahasura më parë. Për këtë arsye KESH përfitoi nga qeveria shqiptare 68 mln euro. Për të garantuar që tarifa të mos ndryshonte pavarësisht një rritje ekspansionale në treg. Sipas vlerësimit në raport, tarifat për familjarët duhet të rriteshin me 29 % në rastin e një skenari minimal. Nëse qeveria shqiptare nuk ndërhynte abonenti do paguante minimalisht 29% më shume dhe maksimalisht 114 %. Kjo ulje me 10.5% është një ulje historike që nuk është bërë në 30 vite. Edhe kjo ulje është bërë e të njëjtës linjë, nuk është e vendosur pa asnjë lloj kushti por e bazuar mbi kursimin. Vetëm për ata që konsumojnë deri në 700 këh mujor, përfitues mbi 1 milionë abonentë
Nuk është ky vetëm një hap, kemi punuar jo vetëm me aksionet konkrete por edhe me hapat rregullator. Ligji për eficensën e energjisë dhe ligji për eficense synojmë edukimin e abonentëve drejt eficensës së energjisë. Duke kthyer vetë qytetarët në dëshmitarë të këtij procesi që ndikon në faturën e secilit prej tyre. Qeveria ka ndërmarrë një tjetër incentivë shumë të rëndësishme me panelet diellore për ngrohjen e ujit, janë 4 mijë familje që përfitojnë një ulje për shkak të instalimit të këtyre paneleve të mbështetur nga qeveria shqiptare.
Kjo sipas raportit përbën që paketa mund të sjellë shtrembërime në treg, por në rastin e Shqipërisë e shohim si një nga arritjet më të mëdha të qeverisë Rama, do vijojmë të mbrojmë qytetarin, mbrojtja e konsumatorëve është primare. Familjet me të ardhura më të ulëta shpenzojnë një përqindje më të lartë, nga kjo analizë nga subvencioni përfitojnë më shumë familje të ardhura më të ulëta. Këtu përfshihen familjet me ndihmë ekonomike, dhe këta përbëjnë 10% të konsumatorëve të lidhur. 115 milionë euro janë akorduar për këtë shtresë duke shënuar mbështetjen më të lartë në Ballkan.” u shpreh Balluku.
