Ministri i Financave Arben Ahmetaj ka reaguar pas publikimit të raportit të “Standard and Poor’s”. Agjensia prestigjioze e vlerësimit të ekonomive në të gjithë botën, ka rikonfirmuar vlerësimin e saj B+ për ekonominë shqiptare. Sipas Ahmetajt, ky vlerësim tregon se ekonomia shqiptare po ecën bindshëm në drejtimin e duhur.
Deklarata
S&P vlerëson se ekonomia shqiptare ka performuar më mirë se vendet e tjera që i përkasin të njëjtës kategori B+, duke vecuar arritjet në drejtim të konsolidimit fiskal, falë edhe programit të suksesshëm me FMN dhe ndërmarrjen e reformave institucionale për të rikthyer sundimin e ligjit, luftuar informalitetin dhe përmirësuar klimën e biznesit.
Standard and Poor’s, agjensia prestigjioze e vlerësimit të ekonomive në të gjithë botën, ka rikonfirmuar vlerësimin e saj B+ për ekonominë shqiptare, ndërsa parashikimi mbetet pozitiv.
S&P vlerëson se ekonomia shqiptare ka performuar më mirë se vendet e tjera që i përkasin të njëjtës kategori B+, duke vecuar arritjet në drejtim të konsolidimit fiskal, falë edhe programit të suksesshëm me FMN dhe ndërmarrjen e reformave institucionale për të rikthyer sundimin e ligjit, luftuar informalitetin dhe përmirësuar klimën e biznesit.
Nga ana tjetër S&P parashikon konsolidimin dhe përshpejtimin e rritjes ekonomike në periudhën në vijim, bazuar në forcimin e kërkesës së brendshme, si rezultat i rritjes së konsumit dhe investimeve private.
Një tjetër sinjal pozitiv dhe inkurajues që rikonfirmon besimin se ekonomia shqiptare po ecën bindshëm në drejtimin e duhur!
/a.m.
