Donald Trump nuk pagoi asnjë taksë mbi të ardhurat në 10 nga 15 vitet e mëparshme duke filluar në viti 2000 sepse ai raportoi se humbi shumë më shumë sesa fitoi, sipas një raporti të publikuar nga New York Times.
Në të dy vitin që fitoi presidencën dhe vitin e tij të parë në Shtëpinë e Bardhë, Trump pagoi vetëm 750 dollarë në taksat federale të të ardhurave, raportoi Times.
Në një konferencë për Shtëpinë e Bardhë të Dielën, Trump mohoi historinë e New York Times dhe pretendoi se ai paguan “shumë” taksa.
“Unë paguaj shumë dhe paguaj shumë taksat e të ardhurave shtetërore,” tha ai.
Trump shtoi se ai është i gatshëm të publikoj deklaratat e tij tatimore pasi të mos jetë më nën kontroll nga Shërbimi i të Ardhurave të Brendshme, të cilat ai tha se “më trajton keq”.
Trump gjithashtu refuzoi të përgjigjej se sa ka paguar taksa federale në konferencë duke kërkuar që të fokusoheshin tek tema e daljes së tij për media.
Raporti i zgjeruar Times paraqet një pamje të biznesmenit i cili po luftonte për mbjetes dhe po raportonte miliona humbje edhe kur po bënte fushatën për President dhe mburrej me suksesin e tij financiar.
Sipas gazetës, Trump përdori 427.4 milion dollarë që ishte paguar për “The Apprentice” për të financuar bizneset e tij të tjera dhe po hidhte më shumë para në biznes se sa po merrte.
Në përgjigje të një letre që përmbledh gjetjet e gazetës, avokati i Organizatës Trump Alan Garten i tha Times se “shumica, nëse jo të gjitha, e fakteve duket të jenë të pasakta” dhe kërkoi dokumentet.
New York Times tha se nuk do t’i bëjë publike të dhënat e kthimit të taksave të Trump në mënyrë që të mos rrezikojnë burimet e tij “të cilët kanë ndërmarrë rreziqe të mëdha personale për të ndihmuar informimin e publikut”.
Nga ana e tjetër NYT shkruan për një betejë dhjetëra vjeçare me Agjencinë e të Ardhurave mbi legjitimitetin e një rimbursimi të taksës 72.9 milionë dollarë që Trump pretendoi dhe mori pasi deklaroi humbje të mëdha.
Taksat e Trump kanë qenë kryesisht një mister që kur ai kandidoi për herë të parë në detyrë./ Javanews
g.kosovari
