Departamenti Amerikan i Shtetit ka publikuar së fundmi raportin e tij për Shqipërinë e Kosovën në lidhje me liritë fetare. Në raport theksohej nevoja imediate e zgjidhjes së një problemi të hershëm, rikthimin e pronave të bashkësive fetare, të bllokuara nga regjimi totalitar.
Lidhur me këtë raport reagoi edhe kreu i shtetit.
Presidenti Ilir Meta përshëndeti raportin. Ai i qëndron veçanërisht vlerësimit mbi çështjen e pronave të bashkësive fetare në Shqipëri.
Ai nënvizon se rikthimi i pronave këtyre bashkësive është jo vetëm një detyrim kushtetues por edhe një kontribut i domosdoshëm për rimëkëmbjen e mëtejshme të institucioneve fetare dhe të forcimit të pavarësisë së tyre.
Presidenti Meta vlerëson se ky raport duhet t’u shërbejë institucioneve shtetërore dhe bashkësive fetare me qëllim përmirësimin e mëtejshëm të lirive dhe të të drejtave të besimit në vend./a.m.
