KOSOVE-Kryeministri i Kosovës, Ramush Haradinaj pak kohë më parë deklaronte se pret që liberalizimi i vizave të ndodhë në maj, por referuar deklaratave të fundit, ai duket se ka ndryshuar nga pritshmeritë e tij.
Duke folur për 10 vitet e ardhshme të Kosovës, Haradinaj tha se beson se këtë vit Kosova do të fitoj liberalizimin, raporton Zeri.info.
“Në fund të këtij viti Kosova besoj e fiton një të drejt atë të liberalizimit të vizave. Deri në fund të ketij viti mund të ndodhin avansime të mëdha me shtetin serb, edhe pse kjo është një marrëveshje sfiduese”- tha ai.
Ai tha po ashtu se më shumë i është dhënë rëndësi Serbisë nga ana e BE-së për shkak edhe të Rusisë.
“BE-ja është e fortë aq sa është hallka e saj më e dobët e fatkqësisht kjo hallk jemi ne pra Ballkani Perëndimor. Janë disa aspekte që nuk varet nga ne, një pjesë e energjisë duhet të vjen nga Washingtoni, Brukseli e besa edhe Berlini për shkak të pozitës që ka”- theksoi Haradinaj.
a.ç
