Ramos mbetet ‘i bardhë’
Qendëmbrojtësi dhe kapiteni i skuadrës ka arritur marrëveshje me drejtuesit e klubit, e cila pritet që të enjten të bëhet publike.
Sergio Ramos ka rinovuar kontratën me Real Madridin.
Kështu njoftojnë burime të afërta me klubin dhe lojtarin, ndërsa për ta vërtetuar këtë gjë dhe për respekt të kësaj ngjarje, të enjten në ambientet e Santiago Bernabeut do të ketë një takim me media ku do të jenë të pranishëm Ramos, presidenti i klubit, Florentino Perez dhe bordi drejtues.
Ngjarja do të jetë përafërisht si ajo e organizuar për Ronaldon vite më parë. Shifra e kontratës së re janë bërë publike ditëve të fundit; 8,5 milionë euro në sezon.
Pritet që kontrata të vlejë deri në vitin 2020 dhe lojtari veç pagesës për sezon të ketë edhe përfitime tjera.
