Ish-ushtaraku Eduart Abazi, njëkohësisht kreu i Aleancës Demokratike sot, ka rrëfyer sesi me urdhër të Ramiz Alisë në vitin 1991, ai sëbashku me 5 kolegë të tjerë stërvitën ushtarët e parë të UÇK-së.
Në një intervistë për Shqiptarja.com, Abazi ka treguar se Adem Jashari si dhe heronj të tjerë të Ushtrisë Çlirimtare të Kosovës u stërvitën që prej qeverisë komuniste në bazat e Malit të Dajtit, Kukës, Burrel dhe Feken.
Po në këtë intervistë, Eduart Abazi ka rrëfyer se më pas ndikimi i Berishës ishte negativ sa i përket UÇK-së. Sipas tij, pikërisht bazat ku stërviteshin ushtarët e ardhshëm të UÇK-së nga qeveria e Ramiz Alisë, u mbyllën qysh prej ardhjes së Sali Berishës si president i vendit.
