Nga Arben Ristani
Rama keq qeveris. Këtë shqiptarët e ndjejnë në kurriz çdo ditë. Keq qeverisja ka brenda çdo gjë të mbrapshtë që ne shohim e ndjejmë, korrupsionin, vjedhjen e grabitjen e pasurisë kombëtare, blerjen e manipulimin e zgjedhjeve, arrogancen dhe paaftësine e administrates, etj etj.
Kete e dime, e thonë përdite ne media, e thotë me forcë opozita, e dëgjon nga njerëzit ne shtepi, ne rruge, ne kafene, kudo.
E thote edhe Departamenti i Shtetit ne Amerike. Per nje aspekt shume te rendesishem si jane zgjedhjet, e thote edhe raporti i ODIHR, kur psh, thekson se, fenomeni i shitblerjes se votes eshte i dukshem dhe i perhapur.
Per sa i perket gangrenes me emrin korrupsion, z Dritan Shano, ne nje shkrim te fundit, tregon nje veshtrim me te gjere te situates ne vend.
“Kostot e korrupsionit të opozitës, thote z. Shano, perceptohen si dyfish përkundrejt korrupsionit të qeverisë. Kjo sepse, të gjithë kalkulojnë riskun për investimin në të ardhmen dhe askush nuk kalkulon riskun e asaj që ka në xhep, qoftë kjo edhe një vrimë.
Njerëzit, korrupsionin e qeverisë e shohin si korruptim të së tashmes, ndërsa korrupsionin e opozitës e shohin si korruptim të së ardhmes së tyre”
E thene keshtu, ne parim Shano ka te drejte.
Ne thelb duhet pare, a eshte vertet e korruptuar opozita, ose perse eshte ngritur ky perceptim?
Se pari korruptimi i parimeve demokratike krijon shtratin e ngrohte per korruptimin me para ne dore, biznese te favorizuara dhe prona.
Opozita e z.Basha ka shembuj te forte te korruptimit te parimeve demokratike ne funksionimin e partise.
Procesi per zgjedhjen e kryetarit te PD, e kam shkruar ne menyre te detajuar, ishte ne kundershtim me rregullat statutore te partise.
Me gjithe kerkesat dhe shprehjet e mendimit, kunder veprimeve qe u kryen ne kete proces, jo vetem qe nuk pati transparence dhe pergjigje, por e kunderta, pati tallje dhe sjellje arrogante qe shkuan deri tek deklarime te tipit: po i bejme zgjedhjet per kryetar shpejt qe te mos pengojme turizmin.
Kuvendi i jashtezakonshem i PD, nuk mori asnje vendim te jashtezakonshem.
Analizoi sjelljen e kundershtarit politik pa u lejuar analiza e vetes, ndryshoi statutin duke shperndare me shume spaleta per kedo qe ka nevoje per to, ktheu KK nga organi me i larte vendimmares ne organ keshillimor te kryetarit dhe ne kundershtim flagrant me statutin nderpreu mandatin e KK, duke zgjedhur nje te ri, me 5400 vota nga 1500 te pranishem ne Kuvend.
Ne PD qe drejton z.Basha, nuk ka vendimmarrje kolegjale, nuk ka gare, nuk ka sistem te vleresimit te kontributeve, nuk ka sistem kariere etj etj.
Nga Korca vjen nje shembull se fundmi.
Kryetari, sekretari dhe shume te tjere nga kryesia e PD Korce, dhane doreheqjen nga funksionet, duke deklaruar se:
“Jemi te revoltuar nga arroganca, shperfillja, nepotizmi dhe papergjegjshmeria e lidershipit te PD
Importet e L. Bashes nuk perfaqesojne vlerat dhe moralin e qytetarise te banoreve te Korces, ne qytet dhe ne fshat .
Ne nuk duam te jemi deshmitare te zerimit te kontributeve te demokrateve te thjeshte dhe denojme ashper futjen e frymes se percarjes”
Eshte ky nje shembull tjeter i konsolidimit te perceptimit se lidershipi i PD ka moral dhe vlera te korruptuara.
Se dyti, po realisht eshte i korruptuar lidershipi i PD?
Shume shkruhet ne mendja, ndoshta edhe me ndikimin e kundershtarit politik, per vila ne Tirane, Durres e Palase, per biznese gjithnje ne ngritje nderkohe qe ekonomia e vendit eshte ne krize, per aksione politike qe lihen ne mes pasi rregullohen ca pune, per gjoba ndaj bizneseve nga foltorja e deklaratave per shtyp, etj etj.
Sidoqofte mendja ta do qe shtrati i korruptimit moral nuk eshte ngrohur kot.
Shto ketu edhe deklarime si ai i deputetes se PD, e cila, pasi u pyet per oferten e Rames per bashkpunim, u shpreh se: oferta do te ishte serioze vetem nese me bashkpunim nenkuptoheshin projekte te rendesise se vecante kombetare si ai i portit luksoz te Durresit.
Me te drejte publiku pyet pastaj, pse deputetja me bashkpunim nuk nenkupton, nisjen e punes per reformat politike, kushtetuese, zgjedhore, integruese, por mendjen e ka te ppp e portit ne Durres?
Trrulloset me teper publiku ne vazhdim, kur del administratori i kunatit pjese e kompanise qe synon te njejtin projekt qe kerkon deputetja.
Vazhdon me tutje, ne shkrimin e tij, z.Shano se: ” Shqiptaret e kanë më të thjeshtë të pranojnë të tashmen si fatalitet sesa të zgjedhin me dorën e tyre një të ardhme njësoj të korruptuar me kosto kaq shumë të lartë”.
Konkluzioni, nuk mundet Rama me te njejtin model dhe nuk i japim fund keqqeverisjes se vendit, duke keqqeverisur opoziten.
Nderkohe, demokratet e kane sot nje manifest me teza te perpunuara qarte dhe me vizion se si partia e tyre behet me e madhe se kryetari, me e madhe se vetevetja, si punohet per tu riorganizuar dhe per te ngjallur besim ne menyre qe shqiptaret te te votojne masivisht.
Thjesht pak guxim korcari duhet, per te thene te verteten, per tu bere bashke me demokratet dhe per tu ringritur mbi vlerat tona me te mira dhe mbi moralin e paster.
Posaçërisht për Javanews.al
