Kreu i qeverisë ka vlerësuar sot rolin e grave dhe vajzave në politikë dhe në vendimarrje duke theksuar se qeveria e tij ka punuar me ritme të shpejta sa i përket kësaj çështje.
Në një takim të zhvilluar nga Aleanca Gjinore, Rama tha se zhvillimi ekonomik dhe ai social i një vendi është i lidhur me barazinë gjinore.
“Sa më shumë gra e vajza të përfshihen në jetën publike, aq më mirë do shkojnë gjërat. Në këtë periudhë është bërë një progres i jashtëzakonshëm në këtë drejtim. Kemi vendosur disa pika referimi që nuk mund të zhbëhen” – deklaroi paraditen e së hënës Edi Rama.
