Kryeministri Edi Rama ka treguar pak më shumë për idenë e një pakete antishpifje të hedhur dje nga ai vetë në një postim në Twitter.
Po në këtë rrjet, pas zërave nga opozita që e krahasonin këtë paketë me nenin e famshëm të komunizmit për agjitacionin dhe propagandën, Rama thotë se nuk do të dënohet me burg, por gjobë.
Kjo kuptohet nga mesazhi i Ramës, i cili shprehet se shqiptarët nuk do paguajnë supën e shpifësve në burg, por këta të fundit do t’i paguajnë fjalët e tyre ‘sa frëngu pulën’.
“Paketa AntiShpifje në Kod Penal? Jo jo, as edhe një supë burgu nuk mund të paguajnë shqiptarët për shpifësat 🤧 Shpifësat e çdo lloji po, ata duhet t’i paguajnë sa frëngu pulën shpifjet e tyre dhe çdo pellg mediatik duhet t’u dalë për zot shpifësve që hedhin gurin e fshehin dorën 🤡”, thotë Rama.
/b.d
