Kreu i qeverisë ka dalë paraditen e sotme në një deklaratë për shtyp ku ka zbardhur skemën e shpërblimeve të fundivitit. Në fokus të vendimit të qeverisë kane qëne kryesisht familjet në nevojë dhe punonjës me specifika të tjera në vështirësi.
“Kemi vendosur që të shpërblehen për vitin e ri 34 mijë përfitues të ndihmës ekonomike me 20 mijë lekë të vjetra. 145 mijë persona që marrin pension me 20 mijë lekë. Personat që marrin trajtim të veçantë për punën e kryer në miniera dhe industrinë ushtarake me 20 mijë lekë. Kryefamiljarët që trajtohen me kompensim për energjinë elektrike” – tha Rama.
Ndërkohë, kryeministri ka listuar edhe nxënësit e studentët si pjesë e shpërblimeve. Rama tha se përfitues janë të gjithë nxënësit e shkëlqyer me të gjitha notat 10 në arsimin parauniversitar, me 500 mijë lekë të vjetra. Gjithashtu të njëjtin shpërblim e përfitojnë edhe studentët e ekselencës me 500 mijë lekë dhe i gjithë grupi i mësuesve të spikatur.
SHPËRNDARJA
-84 mijë përfitues të ndihmës ekonomike me 20 mijë lekë të vjetra
-68 mijë përfitues si pjesë e kategorisë së personave me aftësi të kufizuar me 20 mijë lekë të vjetra
-372. 932 pensionistë me 20 mijë lekë të vjetra
– 145 580 persona që marrin pension koperative bujqësore me 20 mijë lekë të vjetra
-3595 persona që marrin trajtim të veçantë për punë e kryer në miniera dhe disa ndërmarrje të insdustrisë ushtarake me 20 mijë lekë
– 10660 persona që marrin pension të parakohshëm me 20 mijë lekë të vjetra
-81 mijë kryefamiljarë që trajtohen me kompensim për energjinë elektrike me 20 mijë lekë të vjetra
