Kryeministri Edi Rama ka votuar në Qesarakë, Dajt, për referendumin e Partisë Socialiste.
Ai e ka quajtur votimin si një moment me rëndësi për socialistët.
“Moti i keq nuk i ka ndaluar socialistët të shprehen me votë”, tha kryetari i PS pas daljes nga votimi.
“Ky është një moment i rëndësishëm jo vetëm për socialistët, pasi është hera e parë që një parti politike në Shqipëri i drejtohet një referendumi. Referendumi u jep mundësi anëtarëve që të bëhen pjesë e marrjes së vendimeve në parti”.
Më tej, kryeministri u ndal edhe tek fushata e anëtarësimeve të reja duke ritheksuar se objektivi është arritja e 150 mijë anëtarëve.
