Kryeministri Edi Rama ka publikuar në rrjetin e tij social “komunikimin e javës” ku për herë të parë ka folur në lidhje me propozimin e PD-së për votimin elektronik në zgjedhjet e qershorit. Rama e ka cilësuar kushtin e PD-së si një orvatje të dështuar të një grupi të lodhur që kërkon të justifikojë humbjen që e pret në këto zgjedhje parlamentare.
Sipas Ramës votimi elektronik është thuajse i pamundur të bëhet në këto zgjedhje, por ka shtuar kryeministri, nëse ekspertët e OSBE/ODIHR-it do ta propozojnë futjen e teknologjisë në zgjedhje, atëherë qeveria është e gatshme të pranojë.
Kryeministri e ka cilësuar PD-në si një parti të dobët pa alternativë, njësoj si kryetari i tij Basha, që sipas Ramës është një fotokopje e zbehtë e Berishës dhe e rpogramit të tij politik. Më tutje Rama ka theksuar se sido që të majtët të fitojnë zgjedhjet, përmes kutisë, votimit elektronik apo madje edhe frymës së shenjtë, PD do të akuzojë këtë maxhorancë për humbjen e saj duke thënë se ka fituar me paratë e drogës.
REAGON BASHA: KUR FLET PËR ZGJEDHJET FLIT NGADALË SE TË MERRET FRYMA
Disa orë më pas ka reaguar dhe lideri i demokratëve Lulzim Basha i cili e ka “këshilluar” Ramën që të flasë më ngadalë për zgjedhjet sepse i merret fryma.
POSTIMI I BASHËS
Pasi e qau programin e vet me 300 mije vende pune dhe shendetesi falas tani lideri global po merret edhe me programin e opozites. Ti thote dikush: fol me ngadale kur flet per zgjedhjet se te merret fryma..
FJALA E RAMËS
“Në havanë e një debati politik po rrihet së fundmi uji i votimit elektronik… nuk vlen të kujtohet sesa shumë e ka kundërshtuar qeveria e shkuar në pushtet, atë që sot po kërkon si një celës magjik të derës së shpëtimit, nga përballja e thjeshtë e të vërtetës se nuk ka asnjë shans të fitojë zgjedhjet.
Pas çdo disfate, në Korçë, Dibër e Kolonjë, atëherë kuptohet që ndac me kuti, ndac me elektronikë ose ndac me frymën e shenjtë, ata do të vijojnë të thonë se fitorja jonë është një fitore e grabitur.
A ka opozita sot një lidership të ri?… po të thosha po, e ka një lidership të ri, besoj se do të habisja jo vetëm socialistët e demokratët, por edhe kryetarin e ri të PD-së… është e vërtetë që PD ka një kryetar të ri, por jo një lidrer të ri…. programi i ri i PD-së është një fotokopje e dobët e të vjetrit, në kuptimin që është më i gabuar sesa ka qenë.”- tha Rama./java/a.k
